გაეროს საგზაო უსაფრთხოების კვირეული-შეხვედრა სტუდენტებთან

6-12 მაისს, გაეროს საგზაო უსაფრთხოების მეხუთე გლობალური კვირეული 100-ზე მეტ ქვეყანაში აღინიშნება, რომლის გზავნილია გაუფრთხილდი სიცოცხლეს #ხმააიმაღლე, ხოლო მთავარი თემაა ლიდერობა საგზაო უსაფრთხოებისთვის, რაც გულისხმობს გზებზე მსხვერპლის შემცირებას როგორც გადაწყვეტილების მიმღებ პირთა ლიდერობით, ასევე საზოგადოების გააქტიურებით.
https://www.unroadsafetyweek.org/en/home

კვირეულის მხრადამჭერი და პარტნიორი იყო სადაზღვევო კომპანია “ჯიპიაი ჰოლდინგი“, რომელმაც 8 მაისს “საქართველოს ალიანსი უსაფრთხო გზებისთვის” ორგანიზებით „ილიას სახელმწიფო  უნივერსიტეტის“ და „ი. ჯავახიშვილის სახელმწიფო უნივერსიტეტის“ სტუდენტებთან  გამართულ შეხვედრაში მიიღო მონაწილეობა და ისაუბრა დაზღვევაზე, როგორც საგზაო უსაფრთხოების ერთ-ერთ უმნიშვნელოვანეს კომპონენტზე. სტუდენტებთან საუბრის ერთ-ერთი თემა ავტომფლობელის მესამე პირის მიმართ სავალდებულო პასუხისმგებლობის დაზღვევის კანონიც იყო, რომელიც საგაზო უსაფრთხოების მიმართულებით ერთ-ერთ საკვანძო საკითხადაა მიჩნეული. სტუდენტებთან შეხვედრის მთავარ თემად კი საგზაო უსაფრთხოების პრევენციული ღონისძიებების გატარებისა და ავტოსაგზაო შემთხვევების შემცირების შესაძლებლობები იყო განხილული.

შეხვედრა დასრულდა აქცია – პერფორმანსით, რომელმაც უნივერსიტეტის მიმდებარედ არსებულ შუქნიშნებთან გადაინაცვლა – სტუდენტებმა მძღოლების ცნობიერების ასამაღლებელ აქცია გამართეს და ზებრა გადასასვლელზე სლოგანებიანი ტრანსპარანტებით მოუწოდბენ საგზაო წესების დაცვისკენ.

შეხვედრის შემდეგ უნივერსიტეტის მიმდებარედ არსებულ შუქნიშნებთან სტუდენტებმა მძღოლების ცნობიერების ასამაღლებელ აქციას გამართეს და ზებრა გადასასვლელზე სლოგანებიანი ტრანსპარანტებით მოუწოდბდენ საგზაო წესების დაცვისკენ.

შეგახსენებთ, რომ შსს-ს 2018 სტატისტიკური ინფორმაციით,  საქართველოში 2018 წელს  6,452 ავტოსაგზაო შემთხვევა მოხდა, რასაც 459 ადამიანი ემსხვერპლა, ხოლო 9,047 დაშავდა. 2017 წელთან შედარებით 2018 წელს ავტოავარიების რაოდენობა 6%-ით, დაშავებულთა რაოდენობა 7%-ით გაიზარდა.